Форум туралы сессияның модераторы Бақытгүл Елшібаеваның ой-пікірі

Бүгінгі таңда ауыл тұрғындарының әл-ауқатына, жағдайына әр тараптан үлкен көңіл бөлініп жатқаны

бізді өте қуантады. Ауыл Әйелдерінің бірінші Форумы – соның бір дәлелі.

Ауыл-ауылдан, шалғайдан келген  әртүрлі  салада жұмыс жасайтын әйелдер өз ойларын,  тұжырымдарын ортаға салып, бір-бірімен кеңесуге, Үкімет басындағы өздері сияқты әйел азаматшаларға, министрлік жетекшілеріне көзбе-көз айтуға мүмкіндік алды.

                            

Мен өз тарапымнан  осы Форумда ауылдан келген әйелдерге  Агробизнес орталығын құрудың, оның жұмысының бағыттарымен, жергілікті жерлерде әйел азаматшаларының белсенділігін жоғарылату модельдерімен таныстырып, жалпы ауылдық жерлердегі тұрғындардың өмір суру деңгейін көтеру жөнінде ойларымды ортаға салдым.

Менің ойымша, ауыл азаматшалары үшін бұл бастама пайдалы да нәтижелі болды, әйел статусын жоғарылатудың, олардың еңбегін  елеп-ескерудің  баға жетпес көрінісі болды деп санаймын.

                                    

Ұйымдастырушыларға барлық ауыл әйелдерінің атынан шексіз алғысымды білдіремін. Жұмысымызға жаңа тыныс, бастамаларымызға қолдау тауып, ары-қарай ынта-жігерімізді жандандыра түсуге себепкер болғанын атап айтып, болашақта да осындай үлкен Форумға жаңа жетістіктермен келетіндігімізге зор сенімдемін.

Бақытгүл Елшібаева                                                                                                                                                                                          Алматы облысы,  Еңбекшіқазақ ауданы                                                                                                                                                      «Шелек фермерлері» кооперативінің жетекшісі

Добавить комментарий

Ваш e-mail не будет опубликован. Обязательные поля помечены *